"Ўзбекистон Республикасида коррупцияга қарши мониторингнинг ташкилий-ҳуқуқий асосларини такомиллаштириш" мавзусидаги тадқиқотда коррупцияга қарши мониторингнинг институционал, ташкилий-ҳуқуқий, методологик ва рақамли асосларини такомиллаштириш, шунингдек, коррупция ҳолати, динамикаси, коррупцияни келтириб чиқарувчи омиллар ва коррупциявий хавф-хатарлар ҳамда коррупцияга қарши сиёсат самарадорлигини тизимли баҳолаш масалалари таҳлил қилинган.
Илмий семинар давомида диссертация ишининг долзарблиги, илмий янгилиги, назарий ва амалий аҳамияти, тадқиқот натижаларининг ишончлилиги, диссертант томонидан ишлаб чиқилган илмий-назарий хулосалар ҳамда қонунчилик ва ҳуқуқни қўллаш амалиётини такомиллаштиришга қаратилган таклиф ва тавсиялар юзасидан атрофлича муҳокама ўтказилди. Шунингдек, семинар иштирокчилари томонидан диссертация юзасидан фикр-мулоҳазалар ва таклифлар билдирилди.
Илмий семинар якунлари бўйича диссертация тадқиқоти ижобий баҳоланиб, диссертантга юридик фанлар бўйича фалсафа доктори (PhD) илмий даражасини олиш учун диссертация ҳимоясига тавсия этиш тўғрисида қарор қабул қилинди.