Ўзбекистон Республикаси Ҳуқуқни муҳофаза қилиш академияси ҳузуридаги Илмий кенгашнинг навбатдаги мажлисида Академия мустақил изланувчиси Бобохонов Акрамхон Алохоновичнинг юридик фанлар бўйича фалсафа доктори (PhD) илмий даражасини олиш учун тайёрлаган диссертацияси ҳимояси бўлиб ўтди.
Диссертация “Жиноят процессида иш юритишни тўхтатиш ва қайта тиклашни такомиллаштириш масалалари” мавзусига бағишланган бўлиб, 12.00.09 – “Жиноят процесси. Криминалистика, тезкор-қидирув ҳуқуқи ва суд экспертизаси” ихтисослиги доирасида бажарилган.
Тадқиқотда жиноят процессида иш юритишни тўхтатиш ва қайта тиклашнинг процессуал асослари, тартиб-таомиллари ҳамда амалиётда юзага келаётган муаммолар таҳлил қилинган. Шунингдек, мазкур институтни такомиллаштиришга қаратилган илмий асосланган хулоса, таклиф ва тавсиялар ишлаб чиқилган.
Ҳимоя натижалари бўйича Илмий кенгаш аъзолари томонидан тадқиқотчи юридик фанлар бўйича фалсафа доктори (PhD) илмий даражасини олишга лойиқ деб топилди.
Академия жамоаси Акрамхон Бобохоновни диссертациясини муваффақиятли ҳимоя қилгани билан табриклайди ҳамда келгусидаги илмий ва касбий фаолиятида янги муваффақиятлар тилайди.