Ўзбекистон Республикаси Президентининг 03.11.2025 йилдаги ““Рақамли прокуратура – 2030” стратегиясини тасдиқлаш ва уни самарали амалга ошириш чора-тадбирлари тўғрисида”ги ПФ-204-сон Фармони доирасида Ўзбекистон Республикаси Ҳуқуқни муҳофаза қилиш академиясида “Киберҳуқуқ” бакалавриат таълим йўналиши жорий этилганлиги муносабати билан ахборот технологиялари ва дастурий инжиниринг соҳасидаги мутахассисни вақтинчалик асосда жалб қилиш зарурати мавжуд.
Мутахассис томонидан тақдим этилган ҳужжатлар маъқулланган ва талабгор танловдан ўтган тақдирда, у билан Академия ўртасида икки томонлама фуқаролик-ҳуқуқий шартнома имзоланади.
Мутахассиснинг вазифалари:
“Киберхавфсизлик асослари” ва “Ахборот технологиялари асослари” каби техник йўналишдаги модулларни ўқув жараёнига жорий этиш ва амалга ошириш учун зарур бўлган техник ҳамда дастурий таъминотни ташкил этиш, амалий машғулотлар учун ахборот-технологик инфратузилмани яратиш ва техник жиҳатдан қўллаб-қувватлаш, шунингдек, мазкур модуллар бўйича профессор-ўқитувчилар таркибига техник-эксперт кўмагини кўрсатиш.
Номзодга қўйиладиган талаблар:
– кибержиноятчилик, ахборот хавфсизлиги ёки рақамли ҳуқуқ соҳасида тегишли ҳужжатга (тегишли намунадаги сертификатга) эга бўлиш;
– дастурий таъминот ишлаб чиқиш ёки ахборот технологиялари соҳасида камида икки йиллик иш тажрибасига эга бўлиш;
– ўзбек, инглиз ва рус тилларини яхши билиш.
Бажариладиган иш муддати:
Мазкур иш муддати 2 (икки) ойни ташкил этади (заруратга кўра, шартнома муддати тарафлар келишуви билан қўшимча келишув асосида узайтирилиши мумкин).
Тўлов миқдори:
Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.
Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш.
Иш вақти: ҳафтасига 40 соатни ташкил қилади.
Талабгор Академия Кадрлар бўлимига фуқаролик паспорти ёки ID-картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий маълумот тўғрисидаги диплом ва унинг иловаси, меҳнат дафтарчаси нусхаси, СТИР маълумотномаси)ни тақдим этиши лозим. Тақдим этилган ҳужжатлар ўрганиб чиқилганидан сўнг, талабгор билан танлов комиссияси таркибида суҳбат ўтказилади.
Ҳужжатларни топшириш муддати: 2026 йил 24 июлга қадар
Телефон: (71) 202-04-96 (1947)