Ўзбекистон Республикаси Ҳуқуқни муҳофаза қилиш академияси Ахборот-ресурс марказининг 1-тоифали кутубхоначиси лавозимини эгаллаш учун малакали, масъулиятли ва ташаббускор мутахассисларни танловда иштирок этишга таклиф қилади.
Асосий вазифалар
Кутубхона фондини шакллантириш, ҳисобини юритиш, тизимлаштириш ва сақлаш.
Босма нашрлар, электрон ахборот ресурслари ва маълумотлар базалари билан ишлаш.
Профессор-ўқитувчилар, тингловчилар ва талабаларга ахборот-кутубхона хизмати кўрсатиш.
Электрон каталог ва маълумотлар базасини юритиш ҳамда мунтазам янгилаб бориш.
Маънавий-маърифий, илмий ва китобхонликка оид тадбирларни ташкил этишда иштирок этиш.
Ички идоравий ҳужжатларга мувофиқ лавозим зиммасига юклатилган бошқа вазифаларни бажариш.
Номзодга қўйиладиган талаблар
Тегишли йўналиш бўйича олий маълумотга ҳамда малакасини тасдиқловчи диплом, сертификат ёки бошқа ҳужжатларга эга бўлиш.
Компьютер техникаси, электрон ахборот ресурслари ва ахборот-кутубхона дастурлари билан ишлаш кўникмасига эга бўлиш.
Ўзбек ва рус тилларини яхши билиш. Инглиз тилини билиш номзодга қўшимча устунлик беради.
Масъулиятли, ташаббускор, мулоқотга киришувчан ва жамоада самарали ишлай олиш.
Техник ва таҳлилий фикрлаш, янги технологияларни тез ўзлаштириш ҳамда топшириқларни сифатли ва ўз вақтида бажариш қобилиятига эга бўлиш.
Ишга қабул қилиш танлов натижалари асосида, қонунчиликда белгиланган тартибда амалга оширилади.
Иш режими
Беш кунлик иш ҳафтаси, ҳафтасига 40 соат.
Тақдим этиладиган ҳужжатлар
Фуқаролик паспорти ёки ID-карта.
Шахсий маълумотнома, яъни объективка.
Олий маълумот тўғрисидаги диплом.
Меҳнат дафтарчаси ёки электрон меҳнат дафтарчасидан кўчирма.
ЖШШИР тўғрисидаги маълумот.
Мавжуд малака сертификатлари.
Амалга оширилган лойиҳалар ва касбий фаолият ҳақидаги маълумотлар.
Талабгор ҳужжатларни шахсини тасдиқловчи ҳужжат билан Академиянинг Кадрлар бўлимига шахсан тақдим этиши лозим.
Тақдим этилган ҳужжатлар ўрганиб чиқилгандан сўнг, муносиб номзодлар комиссия суҳбатига таклиф этилади. Суҳбат жараёнида номзоднинг касбий билимлари, амалий кўникмалари ва лавозим талабларига мувофиқлиги баҳоланади.
Ҳужжатлар 2026 йил 1 сентябрга қадар қабул қилинади.
Мурожаат учун телефон: (71) 202-04-96, ички рақам 1757.