Ўзбекистон Республикаси Ҳуқуқни муҳофаза қилиш академияси раҳбарияти Ўзбекистон Республикаси Президентининг «Эл-юрт умиди» стипендияси совриндорларига бағишланган халқаро форумда иштирок этди. Тадбир доирасида Академиянинг таълим соҳасидаги самарали ҳамкорлиги алоҳида эътироф этилди.
«Эл-юрт умиди» жамғармаси томонидан Ҳуқуқни муҳофаза қилиш академияси «Йилнинг энг фаол таълим ҳамкори» деб топилди. Шунингдек, Академияга таълим соҳасидаги самарали ҳамкорлик ва амалга оширилаётган ташаббусларга қўшаётган ҳиссаси учун ташаккурнома топширилди.
Форумда иқтидорли ёшларни қўллаб-қувватлаш, уларнинг етакчи хорижий таълим муассасаларида билим ва тажриба орттириши, замонавий билим ва компетенцияларга эга кадрларни тайёрлаш масалалари муҳокама қилинди. 2026 йилги биринчи очиқ танлов натижаларига кўра, 210 нафар ёш Ўзбекистон Республикаси Президентининг «Эл-юрт умиди» стипендияси совриндори бўлди.
Академия ва «Эл-юрт умиди» жамғармаси ўртасидаги ҳамкорликни келгусида янада кенгайтириш, истиқболли кадрларни қўллаб-қувватлаш ҳамда қўшма таълим ташаббусларини амалга ошириш кўзда тутилган.