Ҳуқуқни муҳофаза қилиш академиясида прокуратура органларида раҳбар кадрларни қайта тайёрлаш курси тингловчилари учун якуний назорат ўтказилди. Унда тингловчиларнинг ўқув дастурини ўзлаштириш даражаси, курс давомида эгаллаган назарий билим ва амалий кўникмалари, шунингдек, раҳбарлик фаолияти учун зарур касбий компетенциялари баҳоланди.
Ўқув жараёнининг якуний босқичида тингловчилар битирув малакавий ишларини ҳимоя қилди. Ҳимоя давомида уларнинг танланган мавзулар бўйича назарий тайёргарлиги, масалага амалий ёндашуви, мустақил таҳлил қилиш ҳамда соҳадаги мавжуд муаммолар юзасидан асосланган ечимлар таклиф этиш қобилияти кўриб чиқилди.
Академияда раҳбар кадрларни қайта тайёрлаш жараёни таълимни амалиёт билан уйғунлаштириш, касбий компетенцияларни ривожлантириш ва замонавий бошқарув ёндашувларини шакллантириш асосида ташкил этилган. Якуний назорат ва малакавий ишлар ҳимояси тингловчилар эришган натижаларни комплекс баҳолаш ҳамда уларнинг келгуси раҳбарлик фаолиятига тайёргарлик даражасини аниқлаш имконини берди.