Ўзбекистон Республикаси Ҳуқуқни муҳофаза қилиш академияси магистратурасига 2026/2027 ўқув йили учун қабул бўйича танлов жараёнлари якунланди.
Танлов натижаларига кўра, магистратуранинг «Тергов фаолияти», «Прокурорлик фаолияти», «Коррупцияга қарши курашиш», «Инсон ҳуқуқларига оид халқаро ҳуқуқ» ва «Киберхавфсизликни ҳуқуқий таъминлаш» мутахассисликлари бўйича (ўзбек ва рус тилларидаги гуруҳлар) кундузги таълим шаклига ўқишга тавсия этилган номзодлар 2026 йил 7 сентябрь куни соат 9:00 да Академияда ҳозир бўлишлари лозим.
«Прокурорлик фаолияти» мутахассислиги бўйича кечки таълим шаклига ўқишга тавсия этилган номзодлар эса 2026 йил 7 сентябрь куни соат 18:00 да Академияда бўлишлари талаб этилади.
Ўқишга тавсия этилган номзодлар ўзлари билан қуйидаги ҳужжатларнинг аслини олиб келишлари шарт:
-
Шахсни тасдиқловчи ҳужжат (паспорт ёки ID-карта);
-
Олий маълумот тўғрисидаги диплом ва унинг иловаси.
Масофавий таълим шаклига ўқишга тавсия этилган номзодларга Академияга келиш санаси ва вақти ҳақида қўшимча равишда хабар берилади.
Академия жамоаси танловдан муваффақиятли ўтган барча номзодларни самимий муборакбод этади ҳамда уларга таълим ва илмий изланишларда, шунингдек, келгуси касбий фаолиятида муваффақиятлар тилайди!