Хоразм вилоятида жамоат хавфсизлигини таъминлаш бўйича ҳуқуқни муҳофаза қилувчи органлар фаолияти ўрганилди

Академия раҳбарияти ва ходимлари томонидан 2-5 февраль кунлари Хоразм вилоятида ички ишлар органлари ва прокуратураларининг ҳуқуқбузарликлар профилактикаси, жиноятчиликка қарши кураш ва жамоат хавфсизлигини таъминлаш фаолиятининг самарадорлиги масалалари жойларга чиқиш орқали навбатдаги ўрганиш ўтказилди.

Жойларга чиқиш орқали ўтказилган учрашувлар давомида вилоят прокуратураси ва ички ишлар бошқармаси раҳбарияти, шунингдек туман прокурорлари ва ички ишлар органлари фаолиятини мувофиқлаштириш бошқармалари бошлиқлари билан ҳар бир туманда содир этиладиган ҳуқуқбузарликлар ва жиноятларнинг ўзига хос хусусиятлари, шунингдек уларнинг содир этилишининг асосий сабаблари таҳлил қилинди.

Таҳлил натижалари бўйича ҳуқуқбузарликларни камайишига эришишга қаратилган, биринчи навбатда АКТни кенг жорий этиш ва ундан фойдаланиш, жамоат назорати ва давлат-хусусий шерикчилик механизмларини жалб этиш каби тегишли таклифлар ишлаб чиқилди, Тошкент шаҳар Шайхонтоҳур ва Чилонзор туманларининг ижобий тажрибалари намойиш этилди.

Бундан ташқари, Коррупцияга қарши курашиш бўйича Хоразм ҳудудий идоралараро комиссиясининг ўтган давр мобайнида коррупцияга оид ҳуқуқбузарликларнинг профилактикаси соҳасидаги ишлари ўрганилиб, ҳудудий идоралараро комиссия эксперт гуруҳининг ишини ташкил этиш, шунингдек белгиланган вазифаларни бажарилишининг самарадорлигини ошириш юзасидан тавсиялар берилди.