Академия таълим муҳитини рақамлаштириш лойиҳалари доирасида АКТ мутахассисларини жалб этиш бўйича танлов эълон қилади (Шартнома асосида вақтинчалик иш)
ProAcademy
(71) 202-04-96
info@proacademy.uz
Заиф кўрувчилар учун

Янгиликлар

“Et docere et discere servitute legis”

Академия таълим муҳитини рақамлаштириш лойиҳалари доирасида АКТ мутахассисларини жалб этиш бўйича танлов эълон қилади (Шартнома асосида вақтинчалик иш) — rasm 1

Академия таълим муҳитини рақамлаштириш лойиҳалари доирасида АКТ мутахассисларини жалб этиш бўйича танлов эълон қилади (Шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академиясида рақамли таълим тизимларини жорий этиш ва уларни ривожлантириш доирасида кенг кўламли ишлар олиб борилаётганлиги муносабати билан лойиҳа ишлари учун малакали АКТ мутахассисларини жалб этишга эҳтиёж юзага келган.

Тақдим этилган ҳужжатлар маъқулланган тақдирда, мутахассис билан Академия ўртасида икки томонлама фуқаролик-ҳуқуқий шартнома тузилади.

1. Бэкенд дастурчи (Java)

Вазифалар:

  • Таълим платформалари ва ахборот тизимларининг сервер қисмини нолдан лойиҳалаш ва ишлаб чиқиш, шунингдек, мавжуд модулларни ривожлантириш ҳамда модернизация қилиш.
  • Амалдаги кодни таҳлил қилиш, рефакторингни амалга ошириш ва тизимларни микросервис ёки кўп қатламли архитектуранинг замонавий стандартларига мослаштириш.
  • RESTful API ишлаб чиқиш ҳамда фронтенд ва мобил иловалар билан ўзаро ишлаш учун WebSocket’дан фойдаланиш.
  • Давлат ва хусусий ташқи сервислар билан интеграцияни амалга ошириш.
  • Oracle маълумотлар базаси схемаларини лойиҳалаш ва оптималлаштириш, мураккаб SQL сўровларини ёзиш ҳамда PL/SQL даражасида бизнес мантиғини амалга ошириш.
  • Аутентификация механизмларини (Keycloak, JWT, OAuth) жорий этиш, логлаш ва мониторинг тизимларини созлаш, юқори юклама шароитида унумдорликни оптималлаштириш.
  • Техник ҳужжатлар ва архитектура схемаларини тайёрлаш.

Талаблар:

  • Ахборот технологиялари соҳасида олий маълумотга ёки тегишли профиль сертификатларига эга бўлиш.
  • Java бўйича камида 2–3 йиллик тижорат дастурлаш тажрибасига эга бўлиш.
  • Spring Boot (Data, Security, MVC), Hibernate/JPA бўйича чуқур билимга эга бўлиш.
  • Oracle DB, PL/SQL ва Keycloak билан амалий ишлаш тажрибасига эга бўлиш.
  • Git’ни ишончли даражада билиш.
  • OOP, SOLID тамойиллари ва лойиҳалаш паттернларини тушуниш.
  • Жамоада ишлаш, мавжуд кодни таҳлил қилиш ва қўллаб-қувватлаш кўникмаларига эга бўлиш.

2. Фронтенд дастурчи (Angular)

Вазифалар:

  • Angular асосида масштабланадиган фойдаланувчи интерфейсларини ишлаб чиқиш.
  • Веб-платформалар учун мослашувчан ва турли браузерларда тўғри ишлайдиган ечимларни яратиш.
  • Маълумотларнинг барқарорлиги ва ҳолат ўзгаришларининг олдиндан башорат қилинишини таъминлаш мақсадида илова ҳолатини бошқариш архитектурасини (State Management: NgRx ёки NGXS) жорий этиш.
  • Бэкенд тизимлар билан REST API орқали интеграция қилиш, аутентификация ва авторизация механизмлари (JWT) билан ишлаш.
  • Мураккаб динамик формаларни ишлаб чиқиш, фойдаланувчи маълумотларини валидация қилиш ва қайта ишлашни созлаш.
  • Компонент кутубхоналаридан (Angular Material, PrimeNG) фойдаланиш ҳамда платформанинг ягона UI услубини қўллаб-қувватлаш.
  • Design Review жараёнида иштирок этиш ва амалга оширилган интерфейснинг тасдиқланган дизайн макетларига мувофиқлигини таъминлаш.

Талаблар:

  • Angular билан ишлаш бўйича камида 2 йиллик тажрибага эга бўлиш.
  • TypeScript, RxJS, HTML5, CSS3 (Tailwind CSS, SASS/SCSS) бўйича ишончли билимга эга бўлиш.
  • REST API билан амалий ишлаш тажрибасига эга бўлиш.
  • Ҳолатни бошқариш тизимлари (NgRx ёки NGXS) билан ишлаш тажрибасига эга бўлиш.
  • Git’дан фойдаланган ҳолда жамоавий ишлаб чиқиш тажрибасига эга бўлиш.
  • Мослашувчан верстка ва турли браузерлар учун ишлаб чиқиш тамойилларини тушуниш.
  • Тоза, қўллаб-қувватлашга қулай ва тартибли тузилган код ёзиш кўникмаларига эга бўлиш.

3. Мобил дастурчи (Flutter — Android/iOS)

Вазифалар:

  • Академия таълим платформалари ва ахборот тизимлари учун Android ва iOS тизимларида ишлайдиган кросс-платформа мобил иловасини Flutter асосида лойиҳалаш ва нолдан ишлаб чиқиш.
  • Талаба, тингловчи ва профессор-ўқитувчи шахсий кабинетларини мобил иловада амалга ошириш: дарс жадвали, фанлар, баҳолаш натижалари, рейтинг, давомат, ўқув материаллари ва топшириқлар.
  • Бэкенд тизимлар билан REST API орқали интеграция қилиш, аутентификация ва авторизация механизмлари (Keycloak, OAuth2/OIDC, JWT) билан ишлаш.
  • Push-билдиришномалар (Firebase Cloud Messaging), офлайн режим, локал кешлаш ва маълумотларни синхронлаштириш механизмларини жорий этиш.
  • QR-код, геолокация ва камера (Face ID) орқали давоматни қайд этиш функцияларини мобил иловада амалга ошириш.
  • Мобил иловани тўлов тизими билан интеграция қилиш учун сервис қатлами билан ишлаш.
  • Иловани турли экран ўлчамлари ва қурилмаларга мослаштириш, UI/UX дизайнер томонидан тайёрланган Figma макетлари асосида интерфейсни тайёрлаш.
  • Илованинг барқарорлиги ва унумдорлигини таъминлаш, хатоларни мониторинг қилиш (Crashlytics), unit ва widget тестларини ёзиш.
  • Иловани Google Play ва App Store’га жойлаштириш.
  • Техник ҳужжатлар ва илова архитектураси схемаларини тайёрлаш.

Талаблар:

  • Мобил иловалар ишлаб чиқиш бўйича камида 2 йиллик тижорат тажрибасига, шу жумладан, Flutter/Dart бўйича камида 1 йиллик тажрибага эга бўлиш.
  • Ҳолатни бошқариш ёндашувлари (BLoC, Riverpod ёки Provider) билан ишлаш тажрибасига эга бўлиш.
  • REST API, JSON, OAuth2/JWT билан амалий ишлаш тажрибасига эга бўлиш.
  • Flutter/Dart асосида Android ва iOS учун кросс-платформа иловалар ишлаб чиқиш бўйича ишончли билим ва амалий тажрибага эга бўлиш.
  • Firebase (FCM, Crashlytics) билан ишлаш тажрибасига эга бўлиш.
  • Git’дан фойдаланган ҳолда жамоавий ишлаб чиқиш тажрибасига эга бўлиш.
  • Google Play ва App Store’га илова жойлаштириш тажрибасига эга бўлиш.
  • Тоза, қўллаб-қувватлашга қулай ва тартибли тузилган код ёзиш кўникмаларига эга бўлиш.

Афзаллик берилади:

  • Keycloak билан интеграция тажрибасига эга бўлган номзодларга.
  • Камера, биометрия (Face ID/Touch ID), геолокация ва QR-сканерлаш билан ишлаш тажрибасига эга бўлган номзодларга.
  • Тўлов тизимлари (Payme, Click, Uzum) билан интеграция тажрибасига эга бўлган номзодларга.
  • PWA ёки Vue/Quasar экотизими билан таниш бўлган номзодларга.

Номзодларга қўйиладиган умумий талаблар:

  • Масъулият, ташаббускорлик ва тартиблилик.
  • Жамоада ишлаш ва белгиланган муддатларга риоя этиш қобилияти.
  • Мустақиллик, аналитик фикрлаш ва натижага йўналтирилганлик.

Иш шартлари:

  • Бажариладиган иш муддати — 3 (уч) ой.
  • Бажарилган иш учун тўлов миқдори тарафлар келишуви билан белгиланади.
  • Иш вақти — ҳафтасига 5 кун, кунига 8 соат (40 соатлик иш тартиби).
  • Иш формати — Академия биносида шахсан бўлиш ёки шартномада кўрсатилган ҳолда гибрид шаклда ишлаш.

Тақдим этиладиган ҳужжатлар рўйхати:

  • Номзоднинг шахсини тасдиқловчи ҳужжати (паспорт ёки ID-карта).
  • Резюме (объективка), амалга оширилган лойиҳалар, GitHub ёки портфолио ҳаволалари кўрсатилган ҳолда.
  • Олий маълумот ҳақида диплом ва унинг иловаси ёки тегишли профиль сертификатлари.
  • СТИР тўғрисидаги маълумотнома.
  • Меҳнат дафтарчасидан кўчирма (агар мавжуд бўлса, mygov.uz сайти орқали олинган).

Ҳужжатларни топшириш муддати: 2026 йил 31 августгача.

Манзил: Ҳуқуқни муҳофаза қилиш академиясининг АКТ ва АХТ бўлими.

Телефон: 71 202-04-96 (ички 1919), +998 (97) 431-10-70.

Telegram Facebook