Красноярск шаҳрида Молиявий хавфсизлик бўйича VI Халқаро олимпиаданинг финал босқичи очилди. Бу йилги дастур марказида молиявий хавфсизлик соҳасида сунъий интеллектдан фойдаланиш ва унинг ривожланиши билан боғлиқ хавфлар турибди.

Ўзбекистон делегацияси таркибида ўн нафар талаба ва саккиз нафар мактаб ўқувчиси бор. Талабаларнинг тўрт нафари Ўзбекистон Республикаси Ҳуқуқни муҳофаза қилиш академиясида таҳсил олади. Улар финал синовларида молиявий ва ахборот хавфсизлиги соҳасидаги билимларини намоён этади.

Финал Сибирь федерал университети базасида ўтказилмоқда. Унда 40 дан ортиқ мамлакатдан қарийб 700 нафар мактаб ўқувчиси ва талаба иштирок этмоқда. Мусобақалардан ташқари, дастурга юздан ортиқ тадбир – панель мунозаралари, маҳорат дарслари ва экспертлар билан учрашувлар киритилган. Финал босқичи 2 октябрга қадар давом этади.

Академия талабалари учун бу халқаро мусобақада билимларини қўллаш ҳамда олимпиада иштирокчилари ва экспертлари муҳокама қилаётган молиявий таҳдидларга қарши курашиш ёндашувлари билан танишиш имкониятидир.