Тўрт кунлик дастур икки академия ўртасида илмий-педагогик тажриба алмашиш, профессор-ўқитувчиларнинг касбий маҳоратини ошириш ҳамда амалиётга йўналтирилган замонавий таълим усулларини ўрганишга қаратилди.

Ўзбекистон Республикаси Одил судлов академси профессор-ўқитувчилари Ўзбекистон Республикаси Ҳуқуқни муҳофаза қилиш академияси ва унинг кафедралари фаолияти билан батафсил танишди. Улар бакалавриат ва магистратура талабалари учун ўтказиладиган маъруза, семинар ва амалий машғулотларда иштирок этди.

Стажировка давомида жиноят ҳуқуқи ва жиноят-процессуал ҳуқуқ, тергов фаолияти, инсон ҳуқуқларини ҳимоя қилиш, халқаро ҳуқуқ, фуқаролик процессуал ҳуқуқи, маъмурий ҳуқуқ ҳамда суд ишларини юритишда прокурор ваколатини таъминлаш масалалари бўйича тажриба алмашилди. Амалий машғулотлар Академиянинг суд жараёнини моделлаштириш хоналари ва тергов полигони имкониятларидан фойдаланган ҳолда ўтказилди.

Мазкур стажировка икки академия ўртасидаги ҳамкорликни янада мустаҳкамлашга хизмат қилади.