Ўзбекистон Республикаси Ҳуқуқни муҳофаза қилиш академияси UI GreenMetric World University Rankings 2026 халқаро рейтингида 671-ўринни эгаллади. Рейтингга 110 мамлакатдан 2 016 та олий таълим муассасаси киритилган.
UI GreenMetric олий таълим муассасалари фаолиятини барқарор ривожланишнинг етти йўналиши бўйича баҳолайди: инфратузилма, энергетика ва иқлим ўзгариши, чиқиндиларни бошқариш, сув ресурслари, транспорт, таълим ва тадқиқотлар, бошқарув ва рақамлаштириш.
Баҳолаш натижаларига кўра, Академия «Транспорт» йўналишида 1 375 балл, «Таълим ва тадқиқотлар» йўналишида 975 балл, «Бошқарув ва рақамлаштириш» йўналишида 825 балл тўплади. Ушбу йўналишлар Академия фаолиятига барқарор ривожланиш тамойилларини изчил жорий этиш билан боғлиқ.
Академия барқарор ривожланиш кўрсаткичларини яхшилаш ва халқаро рейтинглардаги ўрнини мустаҳкамлаш бўйича ишларни давом эттиради.
