Ўзбекистон Республикаси Ҳуқуқни муҳофаза қилиш академияси раҳбарияти ва ходимлари Тошкент давлат юридик университети ташкил этилганининг 35 йиллигига бағишланган «Ҳуқуқий давлат сари 35 йил. Юридик таълим, илм-фан ва инновациялар янги тараққиёт босқичида» мавзусидаги халқаро илмий-амалий конференцияда иштирок этди.
Университетнинг 35 йиллик фаолияти Ўзбекистонда юридик таълимнинг ривожланиши билан чамбарчас боғлиқ. Шу йиллар давомида тайёрланган ҳуқуқшунослар, тўпланган илмий салоҳият ва педагогик тажриба унинг мамлакат ҳуқуқий ҳаётига қўшган ҳиссасини белгилайди.
Академия жамоаси университетнинг профессор-ўқитувчилари, ходимлари, талабалари ва битирувчиларини юбилей билан самимий табриклайди ҳамда юридик таълим ва илм-фанни ривожлантириш, малакали кадрлар тайёрлаш йўлидаги фаолиятида янги ютуқлар тилайди.
