Ўзбекистон Республикаси Ҳуқуқни муҳофаза қилиш академиясининг талабалар турар жойида «Ёнғиндан огоҳлик» умуммиллий кампанияси ойлиги доирасида амалий ўқув машғулоти ўтказилди. Машғулот талабаларнинг фавқулодда вазиятларда тўғри ва тезкор ҳаракат қилиш кўникмаларини шакллантириш ҳамда эвакуация тартибини амалда синаб кўришга қаратилди.

Машғулот давомида огоҳлантириш сигнали берилди. Шундан сўнг талабалар масъул ходимлар кўрсатмаларига мувофиқ бинони тарк этиб, белгиланган хавфсиз ҳудудга тартибли равишда чиқди.

Талабаларга фавқулодда вазиятларда саросимага тушмаслик, белгиланган эвакуация йўналишларидан фойдаланиш, масъул шахслар кўрсатмаларига амал қилиш ва хавфсизлик қоидаларига риоя этиш бўйича тушунтиришлар берилди. Машғулот якунида иштирокчиларга фавқулодда вазиятларда ҳаракат қилиш тартиби юзасидан қўшимча тавсиялар берилди.