Ўзбекистон Республикаси Ҳуқуқни муҳофаза қилиш академиясининг «Тергов фаолияти» бакалавриат йўналиши 1-босқич талабалари маҳорат дарсида ички ишлар органларининг жамоат хавфсизлигини таъминлаш бўйича вазифа ва ваколатлари билан танишдилар.
Ички ишлар вазирлиги Академиясида ўтказилган машғулотни юридик фанлар доктори, профессор Олимжон Матчонов олиб борди. У кўп йиллик амалий тажрибасига таяниб, жамоат хавфсизлигини таъминлашнинг замонавий механизмларини тушунтирди ҳамда талабалар билан касбий тажрибаси ва соҳадаги долзарб масалаларга оид фикрларини ўртоқлашди.
Машғулот талабаларнинг назарий билимларини амалиёт билан боғлаш ва келгусидаги тергов фаолиятига тайёргарлигини оширишга хизмат қилди.
