Ўзбекистон Республикаси Ҳуқуқни муҳофаза қилиш академиясида Олий Мажлис Қонунчилик палатаси депутатлари Борий Алиханов ва Равшан Фазилов билан учрашув бўлиб ўтди. Ўзбекистон мустақиллигининг 35 йиллиги муносабати билан ташкил этилган тадбирда Академия ходимлари ва талабалар иштирок этди.

Мулоқотда мамлакатимизда амалга оширилаётган ислоҳотлар, ёшлар учун яратилаётган имкониятлар ҳамда уларнинг жамият ҳаётидаги фаоллигини ошириш масалалари муҳокама қилинди. Қонунчилик палатаси фаолияти ва қонун ижодкорлиги жараёнлари ҳақида маълумот берилди.

Учрашувнинг очиқ ва самимий руҳда ўтгани талабаларга депутатлар билан бевосита фикр алмашиш, муҳокама қилинган масалалар юзасидан ўз қарашлари ва таклифларини билдириш имконини берди.

Тадбир доирасида «Яшил тараққиёт тамойиллари: таҳлил ва натижалар» номли китоб тақдимоти ҳам ўтказилди. Тақдимотда нашрнинг мазмуни, унда ёритилган яшил тараққиёт тамойиллари ва замонавий ёндашувлар, шунингдек, мазкур йўналишда олиб борилган таҳлиллар ҳамда уларнинг натижалари иштирокчиларга таништирилди.