Ўзбекистон Республикаси Ҳуқуқни муҳофаза қилиш академияси ҳузуридаги DSc.24/2026.31.01.Yu.01.02 рақамли Илмий кенгаш мажлисида Академия ўқитувчиси Давлат Олтинбоевич Облакуловнинг 12.00.08 – «Жиноят ҳуқуқи. Жиноят-ижроия ҳуқуқи» ихтисослиги бўйича юридик фанлар бўйича фалсафа доктори (PhD) илмий даражасини олиш учун тайёрлаган «Тижоратда пора эвазига оғдириб олиш учун жиноий жавобгарликни такомиллаштириш» мавзусидаги диссертация иши ҳимояси бўлиб ўтди.

Тадқиқотда тижоратда пора эвазига оғдириб олиш учун жиноий жавобгарликни белгилайдиган Жиноят кодекси нормалари ва уларни қўллаш амалиётини такомиллаштириш масалалари ўрганилди. Ишда спорт мусобақалари натижаларига қасддан таъсир кўрсатиш мақсадида пора эвазига оғдириб олиш учун алоҳида жиноий жавобгарлик белгилаш, мазкур қилмишни коррупцияга оид жиноятлар қаторига киритиш ва уни квалификация қилишга доир қонунчиликни аниқлаштириш бўйича таклифлар асосланди.

Тадқиқот натижалари асосида тижоратда пора эвазига оғдириб олиш жиноятига оид нормани алоҳида моддаларга ажратиш, шунингдек, жиноят ишлари бўйича Олий суд Пленумининг айрим қарорларига ўзгартириш ва қўшимчалар киритиш юзасидан таклифлар ишлаб чиқилди. Суд амалиётини таҳлил қилиш натижалари эса ушбу жиноятни квалификация қилишда ягона ёндашувни шакллантиришга қаратилди.

Ҳимоя якунларига кўра, Илмий кенгаш диссертация ишини маъқуллади. Академия жамоаси Давлат Олтинбоевич Облакуловни диссертация ҳимояси билан табриклаб, илмий фаолиятига муваффақият тилайди.