Ўзбекистон Республикаси Ҳуқуқни муҳофаза қилиш академиясида Қирғизистон Республикаси Бош прокуратураси ва Юридик академияси вакиллари билан учрашув бўлиб ўтди.

Томонлар икки томонлама ҳамкорликни ривожлантириш истиқболларини муҳокама қилдилар. Хусусан, қўшма таълим дастурларини амалга ошириш, ёзги мактаблар ташкил этиш, ҳуқуқ соҳасига оид минтақавий танловлар ва бошқа илмий-академик тадбирларни биргаликда ўтказиш масалалари кўриб чиқилди.

Учрашув якунида томонлар ўзаро манфаатли йўналишларда ҳамкорликни изчил ривожлантириш ва келгусида қўшма лойиҳаларни амалга ошириш бўйича мулоқотни давом эттиришга келишиб олдилар.

Учрашув Академияда БМТнинг Гиёҳвандлик воситалари ва жиноятчилик бўйича бошқармаси билан ҳамкорликда ўтказилган минтақавий тренинг доирасида ташкил этилди.