Терроризмга қарши курашиш соҳасида тажриба алмашишга қаратилган амалий ташриф билан Буюк Британияда бўлиб турган Ўзбекистон Республикаси Бош прокуратураси ва Ҳуқуқни муҳофаза қилиш академияси делегацияси Манчестерда Англия ва Уэльс Қироллик прокуратура хизматининг Шимоли-ғарбий ҳудудий бўлинмаси (CPS North West) вакиллари билан учрашди.

Учрашувда терроризмга оид жиноят ишларини тергов қилиш, жабрланувчиларнинг ҳуқуқ ва қонуний манфаатларини ҳимоя қилиш ҳамда судда давлат айбловини қўллаб-қувватлаш амалиёти муҳокама қилинди.

CPS North West вакиллари ушбу йўналишларда ишни ташкил этиш тажрибаси билан ўртоқлашди. Шунингдек, терроризмга қарши курашишнинг бошқа долзарб масалалари юзасидан фикр алмашилиб, иштирокчиларнинг саволларига жавоб берилди.