«Она тилим – миллатим фахри!» шиори остида ташкил этилган тадбирда Академия профессор-ўқитувчилари, ходимлари, таълим олувчилар ва уларнинг оила аъзолари иштирок этди.

Дастурдан «Оилам билан китоб ўқийман» мавзусидаги оилавий чиқишлар, она тилини мадҳ этувчи шеър ва ҳикоялар ижроси, болалар ўртасида адабий танловлар ва викториналар, шунингдек, ота-оналар ва фарзандлар иштирокидаги интеллектуал савол-жавоблар ўрин олди.

Тадбир доирасида бадиий ва маърифий адабиётлар кўргазмаси ташкил этилди. Фаол иштирокчилар рағбатлантирилди.

Дастурда китоб мутолаасининг интеллектуал камолот, мустақил фикрлаш ва нутқ маданиятини ривожлантиришдаги ўрни, оилавий мутолаанинг эса фарзандлар тарбиясидаги аҳамиятига алоҳида эътибор қаратилди.