Ўзбекистон Республикаси Ҳуқуқни муҳофаза қилиш академиясида Бакалавриат факультети талабалари учун «Қонун устувор – жазо муқаррар» мавзусида давра суҳбати ўтказилди. 

Академия ва ИИВ Малака ошириш институтининг тажрибали профессор-ўқитувчилари маърузаларида инсон ҳуқуқларини ҳимоя қилиш, ҳар бир ишни қонуний ва адолатли ҳал этиш ҳамда жазо муқаррарлигини таъминлаш масалалари ёритилди.

Муҳокамада жазо муқаррарлигини таъминлашда тергов ва прокуратура фаолияти, рақамли криминалистика ҳамда ҳуқуқий маданиятнинг ўрнига алоҳида эътибор қаратилди.

Давра суҳбати якунида қонун устуворлиги ва жазо муқаррарлигини таъминлаш учун пухта билим, қонуний далиллар ва масъулиятли ёндашув зарурлиги таъкидланди. Ҳар бир иш ортида инсон тақдири турганини унутмаслик ҳуқуқшуноснинг муҳим касбий мезони экани қайд этилди.

Талабаларга назарий билимларни амалий масалалар билан боғлаш, келгуси касбий фаолиятида ҳуқуқшуносга хос қадриятларга амал қилиш бўйича тавсиялар берилди.