Ўзбекистон Республикаси Ҳуқуқни муҳофаза қилиш академияси доценти Ҳ.Холиқулова Жамоат хавфсизлиги университетида «Жадидчилик ғоялари ва миллий тараққиёт: Янги Ўзбекистонда замонавий илмий ёндашувлар» мавзусида ўтказилган республика илмий-амалий конференциясида маъруза билан иштирок этди.

Конференцияда жадидчилик ҳаракатининг миллий тараққиёт тарихидаги ўрни, маърифий ислоҳотлар ғоялари ҳамда уларнинг бугунги илмий ва амалий аҳамияти муҳокама қилинди. Тадбир миллий тарих ва маънавий меросни замонавий илмий ёндашувлар асосида ўрганиш, олимлар ўртасида тажриба алмашиш ва илмий ҳамкорликни ривожлантириш масалалари юзасидан мулоқот майдони бўлди.

Конференциядаги маърузаси ва фаол иштироки учун Ҳулкар Холиқуловага Ўзбекистон Республикаси Жамоат хавфсизлиги университетининг ташаккурномаси топширилди.