Ўзбекистон Республикаси Ҳуқуқни муҳофаза қилиш академияси ҳузуридаги DSc.24/2026.31.01.Yu.01.02 рақамли Илмий кенгаш мажлисида Академия таянч докторанти Юматов Богдан Олеговичнинг «Ўзбекистон Республикасида коррупцияга қарши мониторингнинг ташкилий-ҳуқуқий асосларини такомиллаштириш» мавзусидаги диссертацияси ҳимояси бўлиб ўтди. Диссертация 12.00.12 – «Коррупция муаммолари (юридик фанлар)» ихтисослиги бўйича юридик фанлар фалсафа доктори (PhD) илмий даражасини олиш учун тақдим этилди.

Тадқиқот коррупцияга қарши мониторинг миллий тизимини шакллантиришга бағишланган. Диссертацияда ушбу тизимнинг ташкилий-ҳуқуқий ва институционал асослари, коррупцияни баҳолашнинг амалдаги механизмлари таҳлил қилиниб, коррупция ҳолатини мунтазам ўлчаш ва коррупцияга қарши чоралар натижадорлигини баҳолаш зарурати асослаб берилган.

Тадқиқотнинг амалий натижалари қаторида коррупцияга қарши мониторинг миллий тизимини босқичма-босқич шакллантириш ва жорий этиш модели, «Коррупцияга қарши мониторинг тўғрисида»ги Ўзбекистон Республикаси Қонуни лойиҳаси, Ўзбекистон Республикаси Президенти қарорлари лойиҳалари ҳамда қонунчиликни такомиллаштириш бўйича таклифлар ишлаб чиқилган. Шунингдек, коррупцияга қарши курашиш соҳасидаги маълумотларни тўплаш, интеграция қилиш ва таҳлил этишга мўлжалланган ягона электрон платформани яратиш таклиф этилган.