Коррупцияга қарши курашиш бўйича сайёр тренинг ўтказилди

Давлат органлари, таълим муассасалари ва бошқа ташкилотлар ходимларининг коррупцияга қарши курашиш борасидаги малакасини ошириш Бош прокуратура Академиясининг асосий фаолият йўналишларидан бири ҳисобланади.

Шундан келиб чиқиб, жорий йилнинг 14-16 октябрь кунлари Академиянинг Коррупцияга қарши курашиш илмий-таълим маркази ходимлари томонидан Г.В.Плеханов номидаги Россия иқтисодиёт университетининг Тошкент филиалидаги Коррупцияга қарши курашиш комиссияси аъзолари учун «Касбий одоб-ахлоқ қоидаларига риоя этиш, манфаатлар тўқнашувининг олдини олиш ва коррупцияга қарши курашиш чора-тадбирларини такомиллаштириш» мавзусида тренинг ташкил этилди. 

Тренинг жараёнида иштирокчилар коррупцияни олдини олиш бўйича комплекс амалий чора-тадбирларни ташкил этиш борасида асосий ёндашувлар, қайд этилган соҳадаги миллий қонунчилик ва халқаро стандартлар талаблари, коррупция хавф-хатарларини таҳлил қилиш методлари, коррупцияга қарши курашиш бўйича чора-тадбирларни такомиллаштириш, касбий одоб-ахлоқ қоидаларига риоя қилиш ва манфаатлар тўқнашувининг олдини олиш билан таништирилди.

Шунингдек, тадбир давомида университет талаблари билан учрашув ташкил этилиб, унда талабалар жамоасининг коррупцияга қарши курашиш соҳасидаги ўрни ва иштироки каби масалалар муҳокама қилинди.

Тренинг якунлари бўйича иштирокчиларга сертификатлар тақдим этилди.