«Тезкор-қидирув фаолияти» дарслиги чоп этилди

Ҳуқуқни муҳофаза қилувчи органлар учун мутахассисларни тайёрловчи олий таълим муассасаларининг илмий-таълим салоҳиятини ошириш мақсадида Бош прокуратура Академияси томонидан жиноятчиликка қарши курашишнинг турли жиҳатлари бўйича ихтисослашган адабиётлар тайёрлаш ишлари олиб борилмоқда.

Ушбу ишлар доирасида Академия томонидан «Тезкор-қидирув фаолияти» дарслиги тайёрланди.

Ўзбекистон Республикаси Олий ва ўрта махсус таълим вазирлигининг Ўқув-услубий мувофиқлаштирувчи Кенгашининг 14.08.2020 йилдаги 418-237-сонли буйруғи билан дарслик нашрга тавсия этилди.

Дарсликда тезкор-қидирув фаолиятининг фан ва ўқув предмети сифатидаги базавий қоидалари, тезкор-қидирув фаолияти назариясининг умумий ва алоҳида муҳим жиҳатлари очиб берилган, мазкур фаолиятнинг, юридик амалиётнинг турларидан бири сифатидаги ижтимоий аҳамияти ва қонунга мувофиқлиги таъкидланган.

Дарсликнинг асосини Ўзбекистон Республикасининг «Тезкор-қидирув фаолияти тўғрисида»ги Қонуни, норматив-ҳуқуқий ҳужжатлар, миллий ва хориж олимларининг илмий ишлари ва мазкур соҳага оид бошқа манбалар ташкил этади.  

Нашр маълумотлари: Каримов В. Тезкор-қидирув фаолияти // Дарслик. Ўзбекистон Республикаси Бош прокуратураси Академияси. – Тошкент.: Lesson press, 2020. – 472 б.