Ўзбекистон Республикаси Ҳуқуқни муҳофаза қилиш академияси ҳузуридаги DSc.24/2026.31.01.Yu.01.02 рақамли Илмий кенгаш мажлисида Академия ходими Халилов Шоҳруҳ Мирзонинг диссертация иши ҳимоя қилинди. Тадқиқот 12.00.09 – «Жиноят процесси. Криминалистика. Тезкор-қидирув ҳуқуқи ва суд экспертизаси» ихтисослиги бўйича юридик фанлар бўйича фалсафа доктори (PhD) илмий даражасини олиш учун бажарилган.

«Терговчининг процессуал мақомини такомиллаштириш масалалари» мавзусидаги ишда терговчининг мустақиллигини таъминлаш кафолатлари комплекс тарзда асосланган. Хусусан, жиноят ишларини холис мезонлар асосида тақсимлаш, тергов органи раҳбари ваколатларининг чегараларини белгилаш ва терговчини ноқонуний аралашувдан суд орқали ҳимоя қилиш бўйича таклифлар ишлаб чиқилган. Бу ёндашувлар дастлабки терговда қонунийлик ва холисликни мустаҳкамлашга қаратилган.

Ҳимоя якунларига кўра, диссертация иши Халилов Шоҳруҳ Мирзо Боймурод ўғлига юридик фанлар бўйича фалсафа доктори (PhD) илмий даражасини беришга Илмий кенгаш томонидан тавсия этилди.

Академия жамоаси Халилов Шоҳруҳ Мирзо диссертация ишини муваффақиятли ҳимоя қилгани билан табриклаб, илмий фаолиятида янги ютуқлар тилайди.