OPDAT билан ҳамкорлик истиқболлари муҳокама қилинди
ProAcademy
(71) 202-04-96
info@proacademy.uz
Заиф кўрувчилар учун

Янгиликлар

“Et docere et discere servitute legis”

OPDAT билан ҳамкорлик истиқболлари муҳокама қилинди

Ўзбекистон Республикаси Ҳуқуқни муҳофаза қилиш академиясида АҚШ Адлия вазирлиги ҳузуридаги Хорижда прокурор кадрларини ривожлантириш, уларга кўмаклашиш ва ўқитиш офиси (OPDAT)нинг ҳуқуқий масалалар бўйича доимий маслаҳатчиси Аарон Лукофф билан учрашув бўлиб ўтди.

Учрашув давомида А.Лукофф Академиянинг фаолияти, асосий вазифалари, ташкилий тузилмаси ва ривожланишнинг устувор йўналишлари билан таништирилди. Хусусан, замонавий таълим стандартларини жорий этиш, амалиётга йўналтирилган таълимни такомиллаштириш, илмий-тадқиқот салоҳиятини ривожлантириш ҳамда таълим жараёнини рақамлаштириш масалаларига алоҳида эътибор қаратилди.

Шунингдек, таълим ва илмий-амалий соҳаларда ҳамкорликни ривожлантиришнинг истиқболли йўналишлари муҳокама қилинди. Жумладан, қўшма ўқув дастурларини ишлаб чиқиш, хорижий экспертларни жалб этган ҳолда тренинг ва семинарлар ташкил этиш, шунингдек, трансмиллий жиноятчилик, кибержиноятчилик ва коррупцияга қарши курашиш соҳаларида профессионал тажриба алмашиш имкониятлари кўриб чиқилди.

Учрашув якунида томонлар ҳамкорлик алоқаларини мустаҳкамлаш ва муҳокама қилинган устувор йўналишлар бўйича қўшма ташаббусларни амалга оширишдан ўзаро манфаатдор эканликларини тасдиқладилар.

Telegram Facebook