Илмий фаолиятда замонавий ахборот платформалари

2019 йил 25 февраль куни Бош прокуратура Академиясида Elsevier (Нидерландия) компанияси билан амалий ҳамкорлик давоми сифатида “Илмий фаолиятда замонавий ахборот платформалари” мавзусида ўқув семинари ўтказилди.

Семинарда Elsevier компаниясининг минтақавий директори А.Оспанова ва миллий координатори Д.Алланазарова маъруза қилди. Тадбирда Академия ходимлари ва илмий тадқиқотчилари иштирок этди.

Семинар давомида илмий мақолаларни халқаро стандартлар асосида ёзишнинг ўзига хос хусусиятлари тўғрисида батафсил тушунтириш берилиб, юқори рейтингли халқаро журналларга мақолаларни чоп этиш бўйича маслаҳат ва тавсиялар берилди. Шунингдек, иштирокчилар SCOPUS, ScienceDirect, Mendeley каби ахборот платформалари ва ресурсларидан илмий фаолиятда фойдаланишнинг имкониятлари билан таништирилди.