Наманган вилояти ички ишлар органлари ходимларининг билими, касбий тайёргарлиги ва масъулиятини оширишга доир ўқув курслар

Бош прокурор томонидан берилган топшириқлар ижросини таъминлаш мақсадида Бош прокуратура Академияси томонидан Наманган вилояти ички ишлар органлари ходимларининг билими, касбий тайёргарлиги ва масъулиятини оширишга доир ўқув курслари ташкил этилди.

Ўқув курслари Дастурига ички ишлар органларида ишларни режалаштириш, ташкиллаштириш ва ижро интизомини мустаҳкамлаш, тезкор-қидирув, терговга қадар текширув, суриштирув ва тергов фаолиятини амалга ошириш, ҳуқуқбузарликларнинг профилактикасини ташкил этишнинг долзарб масалалари киритилган.

Ўқув курсларига ички ишлар органлари тизимида фаолият кўрсатиб келаётган тезкор-қидирув, суриштирув, дастлабки тергов ва ҳуқуқбузарликларни олдини олиш тармоқлари ходимлари жалб қилинди.

Ички ишлар органларини касбий билими ва малакасини оширишга йўналтирилган ўқув курслари Бош прокуратура Академиясининг профессор ўқитувчилари, Ички ишлар вазирлиги ва Наманган вилояти прокуратурасининг кўп йиллик амалий тажрибага эга бўлган ходимлари томонидан инновацион педагогик ва ахборот технологияларидан фойдаланган ҳолда ўтказилиб, ўқув жараёнида ҳудудда мавжуд муаммолар, уларни бартараф этиш юзасидан ички ишлар органлари ходимларнинг фикр мулоҳазалари эшитилди ҳамда профессор ўқитувчилар ва малакали ходимлар томонидан тегишли таклиф ва тавсиялар берилди.