Ички ишлар вазирлиги Малака ошириш институти профессор-ўқитувчилари иштирокида ўқув машғулотлари ташкил қилинди

2019 йилнинг биринчи ярмида жиноятларни фош этиш ва тезкор-қидирув фаолияти йўналишларида ишларни самарали ташкил этиш учун биринчи навбатда бажарилиши зарур бўлган амалий тадбирлар бўйича Йўл харитасининг тегишли бандлари ижроси доирасида ички ишлар органларининг ходимларининг малакасини оширишга масъул шахсларнинг педагогик маҳоратини кучайтириш мақсадида жорий йилнинг 26-28 март кунлари Бош прокуратура Академиясида Ўзбекистон Республикаси Ички ишлар вазирлиги Малака ошириш институти профессор-ўқитувчилари иштирокида ўқув машғулотлари ташкил қилинди.

Ўқув курслар давомида Академия профессор-ўқитувчилари томонидан ўқув жараёнида интерфаол методлардан фойдаланиш, ўқув жараёнини ташкил этишнинг психологик жиҳатлари ва бунда қўлланиладиган янги технологиялар, тингловчиларни баҳолаш мезонлари, модул тизими имкониятлари ҳақида батафсил маълумотлар берилди.

Қатнашчилар машғулот жараёнида ўзларини қизиқтирган саволларга жавоб олишди ва амалда ўқув жараёнида дуч келадиган муаммоли ҳолатларни муҳокама қилишди.

Семинар тренингларнинг самарали бўлганлигини инобатга олиб, уларни келгусида ҳам ташкил қилиш борасида келишиб олинди.