Академия кенгашининг навбатдаги мажлиси

29 апрель куни Бош прокуратура Академиясининг навбатдаги мажлиси бўлиб ўтди.

Мажлисда жорий йилнинг 16-17 май кунлари Бош прокуратура Академиясининг ташкил этилганлигининг бир йиллигига бағишланган “Ҳуқуқни муҳофаза қилиш соҳасида илмий ва таълим салоҳиятини ошириш: замонавий тенденциялар ва истиқболлари” мавзусида бўлиб ўтадиган халқаро конференциясига тайёргарлик масалалари кўриб чиқилди.

Академия профессор-ўқитувчилари томонидан тайёрланган “Тезкор қидирув фаолияти ва инсон ҳуқуқлари” ва “Фуқаролик суд ишларини юритишда ошкоралик тамойили ва жамоатчилик назоратини таъминлашнинг долзарб масалалари” номли монографиялар ҳам Кенгаш аъзолари томонидан муҳокама қилинди.

Шунингдек, кун тартибидаги бошқа масалалар бўйича тегишли қарорлар қабул қилинди.