Академия раҳбариятининг Франция делегацияси билан учрашуви

Жорий йилнинг 29 апрель куни Бош прокуратура Академиясида Франция Республикаси адлия соҳасидаги Халқаро хамкорлик ташкилоти бош директори Николь Коше, унинг ўринбосари Адриен Эльба ва Франция Адлия вазирлиги вакили Александр Сави, шунингдек Ўзбекистон Республикасидаги Франция элчихонасининг вакиллари Эмили Дезормьер ва Томас Наджар билан учрашув бўлиб ўтди.

Учрашув давомида меҳмонларга Академиянинг асосий вазифалари ва фаолияти, ўқиш жараёнини ташкил этиш, илмий фаолият ҳақида маълумотлар берилди. Француз томони кўмак ва ҳамкорликни таъминлаш, талабалар ҳамда Академия ходимлари учун махсус курсларни ўтказиш, шунингдек Миллий магистратура мактаби (ENM) билан алоқаларни ривожлантиришга қизиқиш билдирди.

Томонлар ҳамкорликнинг истиқболли йўналишларини белгилаб олишди, жиноий-ҳуқуқий соҳада ҳамкорлик қилиш учун ҳуқуқий асос яратиш, шунингдек, Франция Адлия вазирлиги билан Ўзбекистон Республикаси Бош прокуратураси ўртасидаги Меморандумни имзолаш орқали техник ёрдам кўрсатиш масалаларни муҳокама этдилар.