“Терроризмга қарши кураш сиёсатини амалга оширишда Буюк Британия тажрибаси” мавзусида семинар ўтказилди

2019 йилнинг 25-26 апрел кунлари Бош прокуратура Академияси ва Буюк Британия элчихонаси билан ҳамкорликда “Терроризмга қарши кураш сиёсатини амалга оширишда Буюк Британия тажрибаси” мавзусида семинар ўтказилди.

Семинар ваколатли органларнинг терроризмга қарши кураш билан боғлиқ глобал ва илғор амалиёти ҳақида билимларини оширишга қаратилди.

Тадбирда Бош прокуратура, Миллий гвардия, Ички ишлар вазирлигининг тегишли тузилмалари ходимлари ҳамда Бош прокуратура ва Ички ишлар вазирлиги Академияларининг профессор-ўқитувчилари иштирок этишди.

Семинарда халқаро экспертлар сифатида терроризмга қарши кураш бўйича “AML Consultancy Global LTD” маслаҳатчилари Ральф Роше ва Уоррен Барлоулар маъруза қилишди.

Тадбир давомида Буюк Британиянинг терроризмга қарши курашга оид тажрибаси ва сиёсати, терроризмга оид жиноятларни тергов қилишда тезкор маълумотлар алмашинуви, криминалистик ва техник воситаларни қўллаш, экспертиза имкониятларидан самарали фойдаланиш каби масалалар муҳокама этилди.

Семинар иштирокчилари ўзаро фикр алмашиб, ўзларини қизиқтирган саволларига жавоб олишди.