“Қонунчилик ижроси устидан прокурор назорати” мавзусида малака ошириш курси бошланди

2020 йилнинг 10 февраль куни Бош прокуратура Академиясида туман (шаҳар) прокурорлари ёрдамчилари учун “Қонунчилик ижроси устидан прокурор назорати” мавзусидаги малака ошириш курси бошланди.

Мазкур курс аралаш таълимнинг “3+1” тизими асосида ташкил этилган бўлиб, 108 соат масофавий ўқитиш ва 36 соат аудитория машғулотлари назарда тутилган.

Курс дастури ижтимоий, иқтисодий ва бошқа соҳаларда қонунчилик ижроси устидан прокурор назоратини амалий ташкил этишнинг долзарб масалалари бўйича машғулотларидан таркиб топган.

Ўқув курси якунида тингловчилар томонидан амалдаги қонунчиликка киритилган янгиликлар, амалиётда мавжуд тизимли муаммолар ва камчиликлар, уларни ҳал этиш йўллари ҳамда бошқа долзарб масалалар бўйича таҳлилий материаллар тайёрланади.

Малака ошириш курси ўқув тадбирларини сифатли ва самарали ташкил этиш мақсадида тингловчилар учун мазкур масофавий курсни ўташ тартиби, амалий топшириқларни бажариш қоидалари ва бошқа ташкилий масалаларга бағишланган вебинар ташкил этилди.