Стратегик режалаштириш бўйича тренинг

Бош прокуратура Академияси ходимларининг стратегик режалаштириш соҳасидаги салоҳиятини ривожлантириш мақсадида Академия раҳбарияти ва профессор-ўқитувчилари учун “Ташкилий ривожланиш: стратегик режалаштириш” мавзусида 5 кунлик тренинг бошланди.

Стратегик режалаштиришга оид билимларни ошириш ва кўникмаларни шакллантиришга қаратилган ушбу тренинг лойиҳа бошқаруви соҳасидаги экспертлар М.Хакимджанова ва Н.Азимовалар томонидан USAIDнинг Ўзбекистонда суд-ҳуқуқ ислоҳотлари бўйича лойиҳасининг Tetra Tech DPK дастури доирасида амалга оширилаётган дастури кўмагида ўтказилмоқда.

Тренинг давомида иштирокчиларга стратегик режалаштиришнинг мақсад ва функциялари, асосий босқичлари ҳақида маълумот берилиб, уларда ташкилот салоҳиятини таҳлил қилиш ва баҳолаш воситаларини қўллаш кўникмалари шакллантирилади, шунингдек, муаммолар аниқланиб, стратегик мақсадлар белгилаб олинади.

Тренинг натижасига кўра, Академиянинг амалдаги стратегиясини прокуратура органларини ривожлантиришнинг янги вазифа ва устувор йўналишларидан келиб чиқиб, қайта кўриб чиқиш режалаштирилган.