Академия магистратураси тингловчилари Ўзбекистон Республикаси прокуратура органлари тарихи билан танишди

2020 йил 2 март куни Ўзбекистон Республикаси прокуратура органлари фахрийларни ижтимоий қўллаб-қувватлаш жамоатчилик маркази раиси Б.Х.Калоновнинг магистратура тингловчилари билан навбатдаги учрашуви бўлиб ўтди.

Б.Х.Калонов тингловчиларни Ўзбекистон прокуратураси тарихи билан таништириб, жумладан мустақилликни қўлга киритгунга қадар прокуратура органлари фаолияти, истиқлол йилларида тизимни чинакам мустақил Ўзбекистон прокуратурасига айлантириш борасида қўйилган тарихий қадамлар ҳақида батафсил тўхталиб ўтди.

Маърузачи Ўзбекистон Республикаси Президенти Ш.М.Мирзиёевнинг Олий Мажлисга қилган мурожаатномасига асосан жамиятимизнинг барча соҳалари каби суд-ҳуқуқ соҳасида ҳам кенг кўламли ислоҳотлар амалга оширилаётганлигини ҳамда бу борада бугунги куннинг долзарб муаммоларини ҳал этишда прокуратура ходимларининг ўрнини алоҳида таъкидлаб ўтди.

Учрашув конструктив руҳда бўлиб ўтди, тингловчилар ўзларини қизиқтирган саволларга жавоб олишди.