Тижорат банклари ходимлари иштирокида малака ошириш курси

Бош прокуратура раҳбариятининг топшириғига асосан 2020 йилнинг 3-4 март кунлари Бош прокуратура Академиясида Тижорат банкларининг ички назорат хизмати ходимлари иштирокида “Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашишнинг милий тизимини ўзаро баҳолашнинг масалалари” мавзусида қисқа муддатли малака ошириш курси ташкил этилди.

Курс дастури жиноий фаолиятдан олинган даромадларни легаллаштириш ва терроризмни молиялаштиришга қарши курашишнинг миллий тизимига оид устувор масалаларини ўз ичига олган.

Ўқув ва амалий машғулотлар давомида жиноий фаолиятдан олинган даромадларни легаллаштириш ва терроризмни молиялаштиришга қарши курашиш соҳасидаги халқаро стандартлар, жиноий фаолиятдан олинган даромадларни легаллаштириш ва терроризмни молиялаштириш хавфини миллий баҳолаш, оператив таҳлил, жиноий фаолиятдан олинган даромадларни легаллаштириш ва терроризмни молиялаштириш билан боғлиқ шубҳали фаолиятни таҳлил қилишнинг асосий масалалари кўриб чиқилди.

Превентив чора сифатида тижорат банкларида ички назорат хизмати фаолиятини амалга оширишнинг муҳим жиҳатларига алоҳида эътибор қаратилди.

Ўқув машғулотлари Академия профессор-ўқитувчилари, шунингдек Бош прокуратура ҳузуридаги Иқтисодий жиноятларга қарши курашиш Департаменти ва Марказий банк вакиллари томонидан ўтказилди.

Ўқув машғулотлари интерактив шаклда ўтказилиб, тингловчилар ўз фаолиятлари билан боғлиқ долзарб масала ва муаммоларни муҳокама қилиш ҳамда уларнинг ечимига оид ўзаро тажриба алмашиш имкониятига эга бўлишди.

Курс якунида тингловчиларга сертификатлар топширилди.