Назария ва амалиётнинг узвий боғлиқлигини таъминлаш – Академия фаолиятининг асоси

Ўзбекистон Республикаси Бош прокурори томонидан белгиланган вазифаларни бажариш доирасида Бош прокуратура Академияси томонидан прокуратура органлари кадрларини тайёрлаш, қайта тайёрлаш ва уларнинг малакасини ошириш жараёнида назария ва амалиётнинг узвий боғлиқлигини таъминлашга қаратилган қатор чора-тадбирлар амалга оширилмоқда.

Ҳозирги вақтда Бош прокурор ўринбосари томонидан тасдиқланган жадвалга мувофиқ Академия профессор-ўқитувчилари прокуратура органлари тармоқларида тегишли ходимлар ваколатларидан фойдаланган ҳолда стажировка ўташ амалиёти йўлга қўйилган.

Хусусан, Академия ўқитувчиси Ғ.Шодиев Иштихон туман прокуратураси терговчиси в.в.б., Академия кафедраси доценти Н.Азизов Ўзбекистон тумани прокурори ёрдамчиси в.в.б., Академия ўқитувчиси А.Акбутаев Ангрен шаҳар прокурори ёрдамчиси в.в.б. этиб тайинландилар.

Стажировка ўташ даврида ходимлар мурожаатларни кўриб чиқиш, қонунчилик ижроси устидан назоратни ташкил этиш, судларда прокурор ваколатини таъминлаш, жиноят ҳақидаги ариза ва хабарларни кўриб чиқиш, дастлабки тергов жараёнларида ва бошқа прокурор-тергов иши йўналишларида ўзларининг амалий кўникмаларини мустаҳкамлашмоқда.  

Стажировка якунлари бўйича ҳуқуқни қўллаш амалиёти таҳлил қилиниб, ўқув жараёнининг прокуратура органлари амалий фаолияти билан узвий боғлиқлигини таъминлаш мақсадида ўқув имитация лойиҳалари тайёрланади.