Юридик инглиз тили дарслари масофавий олиб борилмоқда

Коронавирус инфекцияси тарқалишини олдини олиш мақсадида карантин эълон қилинганлиги сабабли Бош прокуратура Академиясида барча малака ошириш, қайта тайёрлаш ҳамда магистратура ўқув машғулотлари тўлиқ масофавий таълим шаклида олиб борилмоқда.

Шулар жумласидан, Тил ўргатиш кафедраси томонидан прокуратура органлари ходимлари учун махсус ишлаб чиқилган ўқув материаллари асосида юридик инглиз тили дарслари онлайн тарзида олиб борилмоқда.

Бундан ташқари, тингловчиларга юридик инглиз тили кўникмаларини ривожлантиришлари ҳамда келгусида мазкур кўникмаларни амалиётда самарали қўллай олишлари учун мустақил ўзлаштиришга мўлжалланган мультимедиа тақдимотлар, машқлар тўпламлари ва бошқа ўқув материаллари масофавий таъминланмоқда.