АҚШлик эксперт Академия магистратурасининг масофавий ўқув жараёнида иштирок этди

Бош прокуратура Академияси томонидан магистратура тингловчилари учун масофавий ўқув машғулотларини ўтказиш давом эттирилмоқда.

Ўқув дастурини тўлақонли ижро этилишини таъминлаш мақсадида мослаштирилган дарс жадвалига мувофиқ масофавий ўқитиш жараёнига Академия профессор-ўқитувчилари билан бир қаторда Академиянинг ҳамкорлари ҳисобланган чет эллик соҳа экспертлари ҳам жалб қилинган.

Хусусан, АҚШлик эксперт, истеъфодаги прокурор Грегори Уэддл томонидан жорий йилнинг 2 апрель куни магистратура тингловчиларига “Иқтисодий соҳадаги жиноятларни тергов қилиш” мавзусида реал вақт режимида навбатдаги ўқув машғулоти ўтказилди.

Академия магистратураси тингловчилари АҚШ ва бошқа давлатларнинг иқтисодий соҳадаги жиноятларни тергов қилишда келиб чиқадиган жиноят-процессуал, ташкилий ва криминалистик характердаги масалалар тўғрисида батафсил маълумотга эга бўлдилар.