Лойиҳа ижроси масофавий муҳокама қилинди

Ўзбекистон Республикаси Бош прокуратураси Академияси томонидан Бирлашган Миллатлар Ташкилотининг наркотиклар ва жиноятчилик бўйича Марказий Осиёдаги бошқармасининг ҳудудий ваколатхонаси билан ҳамкорликда Нукус шаҳрида “Хавфсиз, инклюзив ва барқарор жамиятларда шаҳар хавфсизлигини бошқариш” номли лойиҳа амалга оширилиши бошланди.
Шунга кўра, жорий йилнинг 9 апрель куни томонларнинг видеоконференцалоқа тизими орқали ишчи учрашуви ташкил этилди. Учрашувда БМТ наркотиклар ва жиноятчилик бўйича бошқармасининг Марказий Осиёдаги ҳудудий вакили А.Миттал, ушбу бошқарманинг бош офиси ҳамда Марказий Осиёдаги офиси вакиллари, Академия ҳамда Жиноятларнинг содир этилиши сабабларини тизимли таҳлил қилиш ва ўрганиш маркази раҳбарияти иштирок этди.
Учрашувда иштирокчилар томонидан карантин шароитида лойиҳани амалга оширишнинг аниқ усуллари ва чоралари белгиланди.