Сув қонунчилигига оид масалалар бўйича семинар

Жорий йилнинг 11 июль куни Академияда халқаро экспертлар иштирокида Вибе Доума (Нидерландия), Туше (Франция), Фриц Кройс (Австрия) иштирокида Германия халқаро ҳамкорлик жамияти (GIZ) билан ҳамкорликда сув тўғрисидаги қонунчиликка оид нормативларни тартибга солиш, санкциялар ва сув қонунчилигига доир бошқа масалаларнинг таъсирини баҳолаш соҳасидаги илғор амалиёти бўйича семинар ўтказилди.

Семинарда Ўзбекистон Республикаси Бош прокуратураси Академияси ва Бош прокуратуранинг таркибий тармоқ вакиллари, Ўзбекистон Республикаси сув хўжалиги вазирлиги, Ўзбекистон Республикаси Экология ва атроф-муҳитни муҳофаза қилиш давлат қўмитаси вакиллари иштирок этдилар.

Семинар доирасида сув қонунчилигини кодификация қилиш, норматив тартибга солишнинг таъсирини баҳолаш, дарё ҳавзаларини режалаштириш ва бошқаришни интеграциялаш, Европа Иттифоқи аъзо давлатларининг илғор тажрибаси намунасида минтақадаги умумий ресурсларни бошқаришда озиқ-овқат хавфсизлигини таъминлаш каби масалалар муҳокама қилинди.

Иштирокчиларнинг фикрича, соҳадаги доимий изланиш ҳамда халқаро ва миллий қонунчиликнинг қиёсий таҳлили жараёни инновациялар қўллаш ва бошқарув тизимидаги илғор тажрибадан самарали фойдаланган ҳолда давом эттирилиши лозим.