Академия илмий салоҳиятини ошириш йўлида

Жорий йилнинг 5 декабрь куни Бош прокуратураси Академияси Кенгашининг навбатдаги мажлиси бўлиб ўтди.

Мажлисда Академия докторант ва мустақил изланувчилари фаолиятининг самарадорлиги бўйича мониторинг натижалари, таянч докторантураси докторантлари ва мустақил изланувчиликка талабгорлар билан ўтказилган кириш имтиҳонлари ва суҳбат натижалари, “12.00.12 - Коррупция муаммолари (юридик фанлар)” ихтисослиги бўйича диссертация мавзулари рўйхати тасдиқланди.

Академия профессор-ўқитувчилари томонидан тайёрланган ўқув, илмий-амалий қўлланмалар муҳокама қилиниб, нашрга тавсия этилди.

Бундан ташқари, Бош прокуратура Академияси Ахборотномаси фаолиятини янада такомиллаштириш ва Академия фаолиятига доир бошқа масалалар кўриб чиқилди.