Мажбурий ижро бюроси давлат ижрочилари малакасини ошириш курси ташкил этилди

Бош прокуратура Академиясида ўқитишнинг аралаш шаклини (blended learning) қўллаган ҳолда Мажбурий ижро бюроси давлат ижрочилари малакасини ошириш курси ташкил этилди. Малака ошириш курси ўқитишнинг “3+1” тизими асосида ташкил этилган бўлиб, ишдан ажралмаган ҳолда масофавий таълим (75%) ҳамда кундузги таълим (25%) шаклидан иборат.

Ҳозирги вақтда тингловчилар масофавий таълим босқичини якунлаб, Академияда таҳсил олишмоқда.

Курс дастурида тингловчиларнинг суд ҳужжатлари ва бошқа органлар ҳужжатлари ижросини таъминлаш борасида халқаро ҳамкорлик масалалари, ижро иши юритуви бўйича процессуал ҳужжатлар тайёрлаш, соҳавий фаолиятни амалга оширишда юзага келаётган муаммолар, уларни ҳал этиш бўйича таклифлар ишлаб чиқиш ва таклифлар тайёрлаш кўникмасини шакллантириш, мулкий хусусиятга эга бўлмаган ижро ҳужжатларини ижро қилиш каби йўналишларда билим ва кўникмаларини ривожлантиришга қаратилган ўқув машғулотлари ўтказилиши назарда тутилган.