Кибержиноятчиликка қарши курашиш соҳасидаги қонунчиликни такомиллаштириш масалалари юзасидан давра суҳбати

2019 йилнинг 17 декабрь куни Бош прокуратура Академиясида ЕХҲТнинг Ўзбекистондаги лойиҳалар координатори кўмагида ташкил этилган “Кибержиноятчиликка қарши курашиш соҳасида Ўзбекистон Республикасининг  жиноят ва жиноят-процессуал қонунчилигини такомиллаштириш истиқболлари” мавзусида давра суҳбати бўлиб ўтди.

Тадбирда ЕХҲТ кибержиноятчиликка қарши курашиш соҳасидаги экспертлари Маркко Кунаппу ва Дмитрий Рудаков, шунингдек, жиноят ва жиноят-процессуал қонунчилигини такомиллаштириш бўйича ишчи гуруҳ вакиллари иштирок этдилар.

Давра суҳбатида иштирокчиларга кибержиноятчиликнинг олдини олиш ва унга қарши курашиш бўйича Эстония тажрибаси, шунингдек, Ўзбекистон Республикаси қонунчилигининг бу борадаги халқаро стандартларга мувофиқлиги бўйича умумий маълумот берилди.

Муҳокамалар якунига кўра, халқаро ҳуқуқий амалиётни ҳисобга олган ҳолда Ўзбекистон Республикаси миллий қонунчилигини такомиллаштириш борасида тавсиялар ишлаб чиқилди.