Қорақалпоғистон Республикаси Ички ишлар органлари ходимлари малакасини ошириш масофий курслари ўтказилмоқда

Бош прокуратура Академияси томонидан Ички ишлар вазирлиги билан ҳамкорликда Қорақалпоғистон Республикаси ички ишлар органларининг профилактика инспекторлари учун ҳудудда ҳуқуқбузарликлар профилактикаси ва жамоат хавфсизлигини таъминлаш борасидаги ишларни янгича ёндашув асосида ташкил этиш мақсадида масофавий малака ошириш курслари ташкил этилди.

Икки ҳафталик курслар дастури ҳуқуқбузарликлар профилактикаси хизмати фаолиятини ташкил қилиш ҳамда профилактика инспекторларининг ҳуқуқни қўллаш амалиётида мавжуд долзарб муаммоларни инобатга олган ҳолда тузилган бўлиб, асинхрон ва синхрон ўқитиш режимида ўтказилмоқда.

Тингловчилар томонидан ишдан ажралмаган ҳолда мазкур малака ошириш курсларида ўзлаштирилган билим ва кўникмалар ҳуқуқбузарликларнинг умумий, махсус, якка тартибдаги ҳамда виктимологик профилактикасини ташкил этиш, жумладан вояга етмаганлар ўртасида назоратсизлик ва ҳуқуқбузарликларнинг олдини олиш, шунингдек ички ишлар органлари таянч пунктлари фаолиятини самарали ташкил этилишига хизмат қилади.