Қишлоқ хўжалиги соҳасидаги қонунчилик ижроси устидан назоратни самарали ташкил этиш масалалари бўйича ўқув курси ташкил этилди

Бош прокуратура Академиясида “Қишлоқ хўжалиги соҳасидаги қонунчилик ижроси устидан назоратни самарали ташкил этиш” мавзусида Қорақалпоғистон Республикаси ва вилоятлар прокуратура органлари ходимлари малакасини ошириш курси ташкил этилди.

Таълим самарадорлигини ошириш мақсадида мазкур курс ўқитишнинг аралаш шаклида ташкил этилиб, уч ҳафта ишдан ажралмаган ҳолда масофавий ва бир ҳафта ишдан ажралган ҳолда Бош прокуратура Академиясида ўқув машғулотлари ўтказилиши белгиланган. Масофавий таълим зарур электрон ахборот-таълим ресурсларига эга бўлган “ProAcademy” ахборот-таълим портали орқали ўтказилиши назарда тутилган.

Ўқув курси доирасида ҳудудий прокуратура органлари ходимларининг ер ва сув қонунчилиги, шунингдек қишлоқ хўжалигига оид бошқа қонунлар ижроси устидан прокурор назорати фаолиятини самарали ташкил этишнинг ўзига хос хусусиятлари борасидаги билим ва кўникмаларини оширишга қаратилган машғулотлар ўтказилади.