Ўзбекистонда барқарор ривожланиш мақсадларини амалга ошириш бўйича “Самарали бошқарув” гуруҳининг йиғилиши

Жорий йилнинг 17-18 декабрь кунлари Бош прокуратура Академиясида БМТ ТД ва Буюк Британиянинг Ўзбекистондаги элчихонаси ҳамкорлигида 2030 йилгача бўлган даврда БМТ Глобал кун тартибининг Барқарор ривожланиш мақсадларини (БРМ) изчил амалга ошириш бўйича тизимли ишларни ташкил этиш мақсадида халқаро эксперт Томас Барановас (Литва) ҳамда миллий консультант Нигина Ражабова (Тожикистон) иштирокида “Самарали бошқарув” экспертлар гуруҳининг йиғилиши бўлиб ўтди.

Тадбирда вазирлик ва идораларнинг масъул ходимлари, шунингдек БМТнинг Ўзбекистондаги агентликлари вакиллари иштирок этдилар.

Йиғилиш давомида мутахассислар томонидан глобал миқёсда ишлаб чиқилган 16-БРМ вазифа ва мезон кўрсаткичлари ҳақида маълумот тақдим этилди, шунингдек уларни турли мамлакатларда қўллашнинг амалий тажрибаси бўйича тақдимоти ўтказилди.

Икки кунлик йиғилиш якуни бўйича “Самарали бошқарув” гуруҳи аъзолари томонидан Ўзбекистонда 2030 йилгача Барқарор ривожланиш мақсадларининг 16-мақсадига эришиш борасида янада самарали фаолиятни амалга ошириш мақсадида миллий мезон кўрсаткичлар бўйича тавсиялар ишлаб чиқилди.