Абу-Даби (БАА) Бош прокурори билан учрашув

2019 йилнинг 21 декабрь куни Академияда Ўзбекистон Республикаси Бош прокурори ўринбосари Э.Т.Юлдашевнинг Абу-Даби Бош прокурори Али Мухаммад ал-Балуши билан учрашуви бўлиб ўтди.

Учрашувда Академия ҳамда Бош прокуратуранинг Халқаро-ҳуқуқий бошқармаси раҳбарлари иштирок этдилар.

Учрашув давомида Ўзбекистон Республикаси Президентининг БААга ташрифи юзасидан тасдиқланган 2019-2020-йиллар мобайнида Ўзбекистон Республикаси ва Бирлашган Араб Амирликлари ўртасида сиёсий, савдо-иқтисодий, маданий-гуманитар ҳамкорликни янада кенгайтириш бўйича “Йўл харитаси” доирасида ҳамкорлик истиқболлари муҳокама қилинди.

Томонлар ахборот технологияларини жорий этиш ва ҳар икки мамлакат прокуратураси кадрлари салоҳиятини такомиллаштиришга қаратилган қўшма тадбирлар орқали ҳамкорликни янада кучайтириш режаларини белгилаб олдилар.

Меҳмон Ўзбекистонда қонун устуворлиги ва хуқуқ-тартиботни таъминлаш борасида амалга оширилаётган ислоҳотлар кўлами ва самарадорлигини, шунингдек, сайловларни адолатли ва ошкора тарзда ташкил этиш борасида кўрилаётган чора-тадбирларни юксак баҳолади.