Қорақалпоғистон Республикаси Ички ишлар органлари ходимлари малакасини ошириш масофавий курслари якунланди

Бош прокуратура Академияси томонидан Қорақалпоғистон Республикаси Ички ишлар органларининг профилактика инспекторлари учун масофавий малака ошириш курси ташкил этилди.

Масофавий малака ошириш курси доирасида 40 нафар профилактика инспектори ишдан ажралмаган ҳолда таҳсил олди.

Курс дастури ҳуқуқбузарликлар профилактикаси хизмати фаолиятини ташкил қилиш ҳамда профилактика инспекторларининг ҳуқуқни қўллаш амалиётида мавжуд долзарб муаммоларни инобатга олган ҳолда тузилди ва асинхрон ҳамда синхрон ўқитиш режимида амалга оширилган.

Тингловчилар томонидан ишдан ажралмаган ҳолда мазкур малака ошириш курсида ўзлаштирилган билим ва кўникмалар ҳуқуқбузарликларнинг умумий, махсус, якка тартибдаги ҳамда виктимологик профилактикасини ташкил этиш, жумладан вояга етмаганлар ўртасида назоратсизлик ва ҳуқуқбузарликларнинг олдини олиш, шунингдек ички ишлар органлари таянч пунктлари фаолиятини самарали ташкил этилишига хизмат қилади.

Бош прокуратура Академияси масъул ходимлари томонидан масофавий ўқув курси дастурини ўзлаштирилганлик даражасини аниқлаш мақсадида ҳудудга чиқиш орқали якуний имтиҳонлар ўтказилди.